|
|
 |
 Samkvæmt jarðfræðilegum rannsóknum byrjar saga hverasvæðisins og Gamla Geysis um enda síðustu ísaldar. Með öðrum orðum þýðir það að heitu hverirnir hafa verið virkir síðustu 10.000 árin. Fyrir okkur mennina er þetta langur tími og virkni svæðisins hefur breyst mikið. Það veit enginn hvaða áhrif framtíðin á eftir að hafa á hverasvæðið.
Jarðskjálftinn árið 1294 breytti verulega allri gosvirkni á geysissvæðinu. Stóri jarðskjálftinn 1630 varð til þess að hverirnir gusu eftir 40 ára hlé og svo hörkulega að jörðin skalf í kring.
Jarðskálftar hafa mikil áhrif á goshæð hvera. Fyrir skálftan árið 1896 hafði virkni Geysis gengið til baka en talið er að goshæð Strokks hafi náð 60 metra hæð og goshæð Geysis allt að 80 metra hæð.
Eftir síðasta skjálfta 17 júní árið 2000 tók Geysir að gjósa að nýju eftir nokkurt hlé. Gosin eru heldur minni en áður og óregluleg. Strokkur er mjög virkur og gýs allt að 30 metra gosi á 5-10 mín. fresti.
Hverasvæðið hefur oft skipt um eigendur á söglegum tíma. Fram til 1894 tilheyrði svæðið Laug í Haukadal. Eigendur Laugar seldu síðan svæðið James Craig nokkrum sem seinna varð ráðherra N-Írlands. Á meðan Geysir var í eigu James var selt inn á svæðið, það hefur hvorki verið gert fyrr né síðar.
Eftir fleiri eigendaskipti, keypti Sigurður Jónsson það og gaf Íslendingum. Geysisnefnd var stofnuð og sá hún um að stuðla að verndun svæðisins og lífríki þess. |
|
|
|
