|
|
 |
 Það er aðeins um tíu kílómetra akstursleið frá Geysi að Gullfoss, mest myndaða foss landsins.
Fossinn fellur yfir tvær klappir, alls 32 metra niður í langt og hrikalegt gljúfur. Fossinn er í jökulánni Hvítá sem á upptök sín undir Langjökli og rennur til sjávar eftir 133 km leið.
En persónuleg upplifun gesta er nokkuð önnur. Fólki finnst fossinn bæði tignalegur, máttugur og ótrúlega fallegur og þannig lýsir það honum gjarnan í einum andardrætti.
Sá sem að upplifir Gullfoss með eigin augum , vatnskraftinn,sem dembir sér með látum í djúpið, drunurnar og titringinn en um leið upplifir hvernig sólin málar regnboga í vatnsúðan skilur allt í einu að fegurð og ógnarkraftur þurfa ekki að vera aðskilin hugtök. Þarna er máttur nátttúrunnar að verki í sinni fegurstu mynd. |
|
|
|
