|
|
 |
 Landmannalaugar eru innan friðlands að Fjallabaki.
Tignarleg litskrúðug fjöll, úfin hraun, mjúkur mosi.
Þessar andstæður í náttúrinni eru meðal þess sem gerir laugarnar að fjölsóttasta ferðamannastaðnum inn á hálendi Íslands.
Auk fegurðar og fjölbreytni í landslagi, þá er það heita laugin sem laðar ferðafólk að, en í henni er hægt að baða sig.
Til þess að komast inn á laugasvæðið verður að keyra yfir tvö grunn vöð en þeir sem eru gangandi geta farið yfir göngubrú. Hægt er að gista í skála eða á tjaldsvæði.
Frá laugunum eru margar skemmtilegar gönguleiðir og hægt er að finna eitthvað fyrir alla. Helst ber að nefna leiðir að íshellum eða hverum við Hrafntinnusker, Laugavegurinn frá Landmannalaugum til Þórsmerkur og upp að Löðmundarvatni eða í kringum Landmannahelli.
Austurleið er með daglegar áætlunarferðir yfir sumarmánuðina frá Reykjvavík og Mývatni. |
|
|
|
